Femmene

                                                              

'E femmene cu l'ogne toste

Scippano 'a vita 'nfaccia

Scavano dinto 'o sole

Scurdannese 'o passato.

'E femmene cu l'ogne toste

So' calore, reggine, suonno

Core, criature, abbraccio,

Spirito santo, vita.

'E femmene cu l'ogne toste

Nun s'arrendono maie

Chiagneno 'e notte e soffrono

Quanno nisciuno 'e vede.

'E femmene cu l'ogne toste

Danno 'a felicità

Se sentono tradite

Sulo a' nu core friddo.

Chi s'apprufitta 'e lloro

Se mettesse appaura

'E femmene cu l'ogne toste

Scippano 'o mmale 'nfaccia.